Monthly Archives: juni 2016
Pagesa e fitrave dhe zekatit!
SADAKATUL FITRI (KONTO 1503 25 27733)
Agjërimi i Ramazanit është i ndërlidhur me dhënien e sadakatul-fitrit. ”I Dërguari i Allahut e obligoi Sadakatul-Fitrin për çdo të madhë dhe të vogël prej muslimanëve”
Dhënia e sadakatul-fitrit është vaxhib. Besimtari është i obliguar ta jepë atë për vehte dhe për ata për të cilët kujdeset (fëmijët, bashkëshorten, prindërit, shërbetorin e të tjerë).
Koha e dhënies së sadakatul-fitrit: është që nga dita e parë e Ramazanit e deri para faljes së namazit të Bajramit. Megjithatë, koha më e preferuar është gjatë dhjetë ditëve të fundit të këtij muaji dhe gjatë ditëve tek (dita 21, 23, 25, 27, 29), dhe sidomos e preferuar është dita e 27, Nata e Kadrit. Sasia e sadakatul-fitrit, është caktuar dhe vendosur që të jetë sipas këtyre kategorive: kategoria e parë kr. 150,- dhe kategori e dytë kr. 100,-
Pagesa mund të bëhet nëpërmjet xhirros 1503 25 27733 apo drejtpërdrejt në lokalet e qendrës në Oslo. Shuma e pagesës llogaritet sipas numrit të anëtarve në familje.
ZEKATI (KONTO 1503 25 27725)
Çdo musliman, qoftë mashkull apo femër, që në fund të vitit ka vlerë të hollash në mbi tetëdhjetë e pesë (85) gramë ari, të gatshme apo në formë artikujsh tregtarë, duhet të japë zeqatë me një sasi minimale prej 2.5 për qind nga ajo pasuri. Shembull: (2,5% prej kr. 10 000 NOK= 250 NOK ).
Koha e dhënies së Zekatit: është i tërë viti, por pasiqë muaji Ramazanit është muaji më i vlefshëm i tërë vitit, atëherë mirë është që të jepet gjatë këtij muaji. Zekati është farz dhe shtyllë e Islamit, kush nuk e jep ka mëkat të madh.
Pagesa mund të bëhet nëpërmjet xhirros 1503 25 27725 apo drejtpërdrejt në lokalet e qendrës në Oslo.
Kujt i takon Zekati dhe Sadakatul-Fitri?
Sikurse zekati dhe lëmoshat tjera, po ashtu edhe sadakatul-fitri u jepet fondeve të përmendura në ajetin që vijon.
All-llahu caktoi obligim që lëmosha (zeqati etj.) t’ju takojnë vetëm: të varfërve (nevojtarëve), të ngratëve (që s’kanë fare), punonjësve atyre që duhet përfituar zemrat (të dobtëve në besim), e duhet dhënë edhe për lirim nga robëria, të mbyturve në borxhe, (luftëtarëve), në rrugën e All- llahut dhe atij që ka mbetur në rrugë. All-llahu e di gjendjen e robërve, punon sipas urtësisë së vet. (Et Tevbeh, 60).
Pagesa mund të bëhet nëpërmjet xhirros apo drejtpërdrejt në lokalet e qendrës në Oslo. Për çdo aktivitet gjatë këtij muaji dhe çdo lloj ndryshimi ju lutemi vizitoni webfaqen www.qiksh.no ose kontaktoni në numrin: 22 35 33 72
Zoti ua pranoftë agjërimin, zekatin dhe sadakatul-fitrin!
Me respekt
Kryesia e QIKSHN’së
Urime muaji i Ramazanit!
Kryesia e QIKSHN’së shpreh rastin që të gjithë besimtarëve muslimanë t’ju uroj muajin e shenjtë të Ramazanit duke e lutur All-llahun xh.sh. që të na lehtsoj agjërimin dhe të na i pranojë lutjet dhe ibadetet tona që do të bëjmë gjatë këtij muaji.
QIKSHN’ja njëkohësisht ju informon se namazi i jacisë dhe taravisë do të falet çdo natë në ora 24:00 gjatë gjithë muajit të Ramazanit.
Për çdo ditë pas namazit të drekës do të ketë lexim të Kur’anit si dhe pas namazit të ikindijës do të ketë ligjërata për çdo ditë sipas nevojës dhe kërkesave nga xhemati.
Me respekt
Kryesia e QIKSHN’së
Visita sot: 667
Visit dje: 579
Kete muaj: 10554
Kete vit: 11659
Total visita: 4093626
Kush eshte online: 15