Monthly Archives: september 2017

Fillimi i vitit shkollor 2017/18!

Prindër të dashur,

Këshilli i prindërve të dy shkollave pran QIKSHN’së atë të mësim-besimit «Urtësia» dhe të gjuhës shqipe «Naim Frashëri», ju informon se viti shkollor 2017/18 fillon sot më datë 10.09.2017 me fillim në ora 11:00.

Sot do të bëhet regjistrimi i nxënësve të ri dhe njëhkohësishte do të bëhet edhe ndarja e klasava dhe një njohftim në mesë nxënësve dhe arsimtarëve.

Dëshirojmë që këtë vitë të kemi një numër më të madhe të nxënësve dhe shpresojmë një pjesmarrje aktive në orët e mësimit, për të kapur atë çka do të jetë më elementare për fëmijët tanë të lindur e rritur në diasporë.

Regjstrimin e nxënësve mund ta bëni edhe permes webfaqes sone: http://www.qiksh.no/regjistrimi-i-nxenesve

Mirë se vini në lokalet e QIKSHN’së në Sverres gate 8, 0652 OSLO

Kryesia e QIKSHN’së dhe këshilli i prindërve të dy shkollave pranë QIKSHN’së ju urojne një vitë të mbarë shkollor dhe suksese në mësime!

Urime Festa e Kurban Bajramit!

Me rastin e festës së Kurban Bajramit, shfrytëzojme rastin që në emër të Kryesisë së Qendrës Islamike Kulturore Shqiptare në Norvegji t’ju urojme të gjithë besimtarëve të fesë islame kudo që ndodhen festën e Kurban Bajramit.

Me dëshirë që kjo ditë e shënuar të jetë ditë e përforcimit tonë ndaj besimit, sakrificës dhe tolerancës, forcimit të zemrave tona drejtë shkallëve më të larta të devotshmërisë.

Në këtë ditë të shënuar për muslimanët, të përkujtojmë edhe sakrificën e  invalidëve të luftës, familjeve të dëshmorëve, familjeve të të burgosurve dhe të gjithë atyre që kanë dhënë kontribut për vendin tonë.

Është kjo ditë kur dëshmohet sakrifica dhe solidariteti ndaj skamnorëve dhe ndaj njëri tjetrit, prandaj lusim Zotin që për këtë të shpërblejë të gjithë ata që sakrifikuan, për mundin e dhënë.

Le të shërbejë kjo festë si mesazh i paqes, lirisë dhe përpjekjes së përbashkët në realizimin e synimeve tona.

Andaj të gjithë besimtarëve kudo që janë urojmë festën e Kurban Bajramit, me shpresë se ndër ne dhe kudo në botë të mbretërojë paqja, qetësia dhe toleranca.

Me respekt,

Kryesia e QIKSHN’së