Category Archives: Lajme

Ndrimi i orës – koha verore!

Nesër më 29.03.2020 në ora 02:00 do të bëhet ndryshimi i orës (fillimi i kohës verore) dhe ora duhet të shtyhet një orë përpara që do të thotë se ora duhet të shtyhet nga ora 02.00 në 03:00.

Print Friendly, PDF & Email

Israja dhe Miraxhi – Nata për të cilën flet Kur’ani dhe Hadithi

Lejletu-l-Miraxhi është natë për të cilën flet edhe Kur’ani edhe Hadithi, ndërsa me këtë përcaktim nënkuptohet Israja (udhëtim gjatë natës nga Mekkeja deri në Kuds në Jerusalem) dhe Miraxhi (ngritja e të Dërguarit të Allahut deri në Sidretu-l-muntehaa), të cilat ndodhën në të njëjtën natë.

Sipas burimeve historike, kjo ndodhi ka ndodhur në njërën nga periudhat më të vështira të pejgamberisë së Muhammedit, s.a.v.s., menjëherë pas sunetu-l-hudhna (vitit të dëshpërimit) në të cilin i Dërguari humbi dy mbështetësit më të fuqishëm, ndihmuesit dhe mbrojtësit në mesin e njerëzve, h. Hatixhen dhe Ebu Talibin. Pas kësaj humbje, i Dërguari i Allahut, s.a.v.s., shkoi në Taif që banorët e atjeshëm t’i thërras në islam, mirëpo në vend të përkrahjes e përzunë duke i hedhur gurrës dhe duke e sharë. Në ato çaste i Dërguari kërkoi mbrojtje nga Mbrojtësi më i Madh dhe Allahu, xh.sh., e përgëzoi me Isranë dhe Miraxhin. 


Për Isranë në Kur’an theksohet: 
“Pa të meta është Lartmadhëria e Atij që robin e Vet e kaloi në një pjesë të natës prej Mesxhidi Haramit (prej Qabes) gjer në Mesxhidi Aksa (Bejti Mukaddes), rrethinën e të cilës Ne e kemi bekuar, (ia bëmë këtë udhëtim) për t’ia treguar atij disa nga argumentet Tona.Vërtet, Ai është dëgjuesi (i fjalëve të Muhammedit), pamësi (i punëve të Muhammedit). (El-Isra, 1)
I Dërguari i Allahut, s.a.v.s., në Miraxh, është ngritur në qiejt më lartë dhe ka qëndruar pranë Allahut të Lartësuar, duke i kapërcyer kufijtë të cilët janë të pamundur për t’u kapërcyer edhe nga vetë melekët. Këtu ka parë shenja të cilat syri i njeriut nuk i ka parë, as që do t’i shoh deri në Ditën e Gjykimit. Këtë e vërteton Kur’ani me fjalët: 
“Atë (Xhibrilin) e ka parë edhe herën tjetër. (E ka parë) tek Sidretul Munteha. Që pranë saj është xhennetul Me’va (kopsht strehimi i…) Atëherë kur Sidrën e mbuloi çka e mbuloi. Shikimi (i Muhammedit) as nuk lakoi e as nuk tejkaloi. Ai (Muhammedi) vërtet, pa disa nga shenjat më të mëdha të Zotit të vet.” (En-Nexhm, 13-18)

Të Dërguarit të Allahut, s.a.v.s., në Miraxh iu shpall dispozita mbi namazin i cili, sipas fjalëve të tij, është “Miraxhi (ngritja shpirtërore) i muslimanëve”, ndërsa iu shpallën edhe tre ajetet e fundit të sures el-Bekare.
Se kur ka ndodhur nata e Israsë dhe Miraxhit nuk theksohet saktësisht. E sigurt është se ka ndodhur para Hixhretit, duke mos u precizuar më tutje, mirëpo supozohet të ketë ndodhur në natën e 26., të muajit rexheb. 

Shtimi i ibadetit me rastin e Lejletu-l-miraxhit

Lejletu-l-miraxh, nata në të cilën u ngrit Muhammedi, s.a.v.s., në sferat më të larta qiellore, ka ndodhur më 26. rexheb. 

Në Kur’anin fisnik thuhet: ““Pa të meta është Lartmadhëria e Atij që robin e Vet e kaloi në një pjesë të natës prej Mesxhidi Haramit (prej Qabes) gjer në Mesxhidi Aksa (Bejti Mukaddes), rrethinën e të cilës Ne e kemi bekuar, (ia bëmë këtë udhëtim) për t’ia treguar atij disa nga argumentet Tona.Vërtet, Ai është dëgjuesi (i fjalëve të Muhammedit), pamësi (i punëve të Muhammedit). (El-Isra, 1)
Allahu i Lartësuar në suren En-Nexhm më përsëafërmi na njofton me miraxhin e të Dërguarit të Allahut, s.a.v.s., i Cili thotë: “Pasha yllin kur ai bie (prej së larti poshtë)! Shoku juaj (Muhammedi që ju e njihni) as nuk është njeri që ka humbur, as që ka devijuar (nga e vërteta). Dhe ai nuk flet nga mendja e tij. Ai (Kur’ani) nuk është tjetër pos shpallje që i shpallet. Atë ia mësoi Ai, fuqiforti, (Xhibrili) Që ka mendje precize dhe që u përqëndrua në formën e vet (reale). Dhe ai (Xhibrili) ishte në horizontin e lartë (nga lindja). Pastaj u lëshua dhe iu afrua. E ishte afër sa dy harqe (dy kutë) apo edhe më afër. Dhe i shpalli robit të Tij atë që ia shpalli. Zemra nuk mohoi atë që pa (me sy). A po i bëni polemikë atij për atë që ka parë? Atë (Xhibrilin) e ka parë edhe herën tjetër. (E ka parë) tek Sidretul Munteha. Që pranë saj është xhennetul Me’va (kopsht strehimi i…) Atëherë kur Sidrën e mbuloi çka e mbuloi. Shikimi (i Muhammedit) as nuk lakoi e as nuk tejkaloi. Ai (Muhammedi) vërtet, pa disa nga shenjat më të mëdha të Zotit të vet. (En-Nexhm, 1-18)

Në Miraxh, Muhammedi, s.a.v.s., ka kontaktuar pa ndërmjetësues me Allahun e Lartësuar. Gjatë kësaj Muhammedit, s.a.v.s., iu shpallën dy ajetet e fundit të sures el-Bekare, iu caktuan pesë namazet ditore dhe iu dhurua e drejta për shefat. I Dërguari i Allahut, s.a.v.s., në Miraxh ka parë Xhennetin dhe Xhehennemin si dhe banorët e tyre. Ka parë shenja të tjera të cilat me lejen e Allahut, xh.sh., i janë treguar. Çdo besimtar përpiqet që ta ripërtëritë miraxhin, ngritjen e tij shpirtërore, të cilat në fakt janë rilindja e tij shpirtërore. Dhe ashtu siç Muhammedi, s.a.v.s, në miraxh ka kontaktuar me Allahun e Lartësuar, ashtu edhe çdo besimtar në namaz kontakton me Allahun dhe ngjitet mbi këtë botë materiale në botën e afërt të Allahut. Për këtë arsye namazi është miraxhi i besimtarit. 

Me rastin e Lejletu-l-miraxhit falet namazi i veçantë i nafiles. Ky namaz nafile përbëhet prej njëzet rekateve. Selam jepet pas çdo dy rekati. Në çdo rekat, gjatë qëndrimit në këmbë, lexohet Fatihaja (El-hamdulil-lahi, M.A.) dhe njëherë Kul huall-llahu ehad (Sureja Ihlas, M.A.). Pas namazit lexohet: 

– «Subhanall-llahi vel hamdulil-lahi ve la ilahe il-lall-llahu vall-llahu ekber” (njëqind herë);
– Istigafar (Estagfirull-llahi, njëqind herë), dhe
– All-llahume sal-li ala Muhammed ve ala ai Muhammed (njëqind herë),

Pas kësaj kërkohet ajo që dëshirohet nga Allahu, xh.sh. [1] 

Preferohet që ky namaz nafile të falet pas namazit të jacisë, ndërsa para se të falet namazi i vitrit. Mund të falet me xhemat, mirëpo më mirë është që të falet vetëm dhe në vetmi. 

Nijeti për këtë namaz është: “»Nevejtu en usallije lillahi teala salate lejletil-mi’radži edaen mustakbilel kibleti Allahu ekber.”
O Allahu i Plotfuqishëm, bashkoi zemrat tona në fe dhe dashuri. Forcoi hapat tonë në të vërtetën dhe të drejtën. Forcona dëshirën tonë për vëllazëri dhe bashkëjetesë. 

Amin! 

Print Friendly, PDF & Email

Rikujtesë për pagesën e fondit të kufomës!

Të nderuar anëtarë të QIKSHN-së,

Esselamu alejkum – Paqa dhe shpëtimi qoftë mbi ju!                                                     

Të nderuar, urojmë që të jeni mirë e shëndoshë ju dhe familjarët tuaj. Ne si kryesi e këtij institucioni e shohim të arsyeshme t’ju rikujtojmë për çështjet që eventualisht i harroni apo për ndonjë arsye tjetër i leni pas dore. Këtu është fjala për ’’fondin e kufomës’’.

Ne të gjithë jemi të vetëdijshëm se me vete bartim edhe vdekjen dhe e dijmë se në ato momente kërkohet një shërbim dhe angazhim jashtzakonisht i madh, prandaj e kemi krijuar këtë fond që të na e zbutë atë gjendje të vështirë si në aspektin emocional poashtu edhe në atë financiarë.

Ju të nderuar e dini se ky fond duhet të paguhet në mënyrë të rregullt për çdo vit, por kohën e fundit ka pasur shumë raste të anëtarëve tanë që kanë ndëruar jetë dhe fatkeqsisht shumica prej tyre nuk kanë bërë pagesën e ‘’fondit të kufomës’’ në mënyrë të rregullt. Ata, ose e kanë futur në harresë ose e bëjnë pa vetëdije.

Prandaj ne, po ua rikujtojmë se pagesa e ‘’fondit të kufomës’’ duhet të  bëhet në mënyrë të rregullt,  sepse në rastet ku anëtari nuk bënë pagesën në mënyr të rregullt, ai e humb të drejtën e shfrytëzimit të këtij fondi dhe atëher kur një familjes i ndodh një rast vdekje, xhamija nuk ua mbulon shpenzimet rreth përgatitjes së kufomës, transportimit dhe varrimit.

Në raste të tilla familja është e obligur që vetë t’i mbulojë këto shpenzime, shuma e së cilës mund të jetë prej kr. 30.000 – 50.000.

Prandaj, kryesia e QIKSHN-së e ka parë  të arsyeshme që edhe njëherë të ua rikujtojë të gjithë anëtarëve të cilët nuk e kanë bërë pagesën e ‘’fondit të kufomës’’ për vitin 2020 që të shfrytzojnë shansin e fundit për pagesën e këtij fondi.

Të gjithë anëtarët të cilët dëshirojnë të bëjnë pagesën e këtij fondi për vitin 2020, duhet ta kryejnë pagesën deri më 15.02.2020.

Në emër të kryesisë së QIKSHN-it, ju dëshirojmë shëndet dhe jetë të gjatë në familje dhe njëherit ju falënderojmë për mirëkuptimin!

Për informata më të hollësishme ju lutemi na shkruani në adm@qiksh.no

Esselamu alejkum – Paqa dhe shpëtimi qoftë mbi ju!

Print Friendly, PDF & Email

Posta vjetore dhe kalendari për vitin 2020!

Të nderuar anëtarë/-e,

Qendra Islamike Kulturore Shqiptare në Norvegji ju informon se posta vjetore është në pregatitje e sipër dhe se do të dërgohet me post tek te gjithë anëtarët tanë mbrenda javës së 52.

Posta vjetore do të përmbaj:

  • kalendarin me kohët e faljes së namazeve për vitin 2020,
  • faturën për pagesën e «Fondit të kufomës» për vitin 2020,
  • fletushkën rreth «Fondin e kufomës» dhe
  • një faturë shtesë për ndihmë financiare për pastrimin e borxhit të xhamisë

QIKSHN ju bënë me dije se pagesa e faturës së «Fondit të kufomës» që do ta pranoni gjatë javës së 52, do duhet të paguhet mbrenda afatit të caktuar në faturë, përndryshe e humbni të drejtën e shfrytzimit të këtij fondi në qoftë se fatura nuk paguhet mbenda afatit.

Sa i përket faturës shtesë që është parapar për ndihmë financiare për shlyerjen e borxhit të xhaminë, kjo është një fatur vullnetare dhe secili mund ta paguaj sipas deshirës (fatura nuk është e obigueshme të paguhet, por do ishte një mbështetje e madhe për qendrën tonë nëse ju bëni pagesën e kësaj fature). Në qoftë se dikush nuk ka mundesi të paguaj shumën e cila do të jetë e shënuar në fatur, ju mund të paguani atë shumë që ju vet keni mundesi ta paguani si psh: kr. 100, 200, 300 ose më shumë.

E njëjta vlen edhe për personat që kan dëshir të kontribojnë me një shumë më të madhe se kr. 1000,-. Pra në qoftë se dikush dëshiron të kontriboj me kr. 2000, 3000 apo më shumë, mund që të paguani atë shumë që dëshironi në xhirrollogarin që do të jetë e shënuar në fatur.

Njëkohësisht lusim të gjithë anëtarët tanë që të bëjnë kontrollin e numrit të anëtarëve dhe në qoftë se numri i anëtarëve, apo shuma e pagesës në faturën e «Fondit të kufomës» nuk përshtatet, në qoftë se ju është shtuar ndonjë anëtarë i ri në familje tuaj dhe keni haruar që ta anëtarësoni tek ne dhe nëse keni bërë ndryshimin e adresës dhe keni haruar që të na informoni, na kontaktoni urgjentisht që ne të bëjmë kontrollimin dhe ndryshimet që janë të nevojshme.

Sa i përket kalendarit dhe kohores së namazeve për vitin 2020, kjo do të bëhet publike shumë shpejte edhe ne faqen tonë të internetit ku ju do mund ta shkarkoni në formatin PDF.

Në qoftë se keni ndonjë pyetje apo diçka të pakuptueshme, ju lutemi që të na shruani në e-post adresën adm@qiksh.no dhe ne do te mundohemi që t’ju kthejmë përgjigje sa më shpejtë që të jetë e mundur.

Me respekt

Kryesia e QIKSHN’së

Print Friendly, PDF & Email

Dita e Ashures!

Ç’është dita e Ashures dhe kur duhet agjëruar?

Fjala “ashura” vjen nga gjuha arabe dhe rrjedh nga rrënja “ashr” që në arabisht do të thotë dhjetë. Dita e Ashures është dita e dhjetë e muajit Muharem.

Sipas një transmetimi të Abdullah ibn Abasit kur pejgamberi Muhamed a.s. erdhi në Medine, vuri re që hebrenjtë mbanin agjërim ditën e ashures dhe pyeti shkakun.

Ata iu përgjigjën : “Kjo është një ditë e madhe. Atë ditë Allahu e shpëtoi Musain dhe popullin e tij nga dhuna e Faraonit. Si falënderim për këtë, profeti Musa agjëroi atë ditë. Edhe ne për respekt agjërojmë”.

I Dërguari Allahut (salallahu aleihi we selem) u shpreh : “Ne e nderojmë më shumë se ju profetin Musa (salallahu aleihi we selem)”. Duke mbajtur edhe vetë agjërim urdhëroi popullin e tij të agjërojë ditën e ashures. (Muslim, Sijam, 128).

Pasi u bë obligim agjërimi i Ramazanit, i Dërguari i Allahut Muhammedi (salallahu aleihi we selem) solli një liri për këtë temë duke thënë: “Pa dyshim që dita e ashures është një ditë nga ditët e Allahut. Kush të dojë agjëron dhe kush te dojë, jo.” (Buhari, Sami, 57 ; Muslim, Sijam 117).

Agjërimi në ditën e ashures është sunnet (vullnetar). Veçse pejgamberi ynë i nderuar (salallahu aleihi we selem), për të mos u ngjarë hebrenjve, na këshillon që së bashku me ditën e dhjetë të Muharremit, të agjërohet edhe dita e nëntë apo e njëmbëdhjetë, ose të agjërohen tri ditë të njëpasnjëshme.

09. Muharrem 1440 H – E Diel, 08.09.2019 (Imsaku 04:49 – Akshami 20:03)

10. Muharrem 1440 H (Dita e Ashuresë) – E Hënë, 09.09.2019 (Imsaku 04:51 – Akshami 20:00)

11. Muharrem 1440 H – E Martë, 10.09.2019 (Imsaku 04:52 – Akshami 19:57)

I Dërguari i Allahut (salallahu aleihi we selem) në një thënie të tij thotë : “Dallohuni nga tradita e hebrenjve, duke agjëruar një ditë përpara dhe ditën pasuese nga dita e ashures.”(Buhari, Saum69).

Ndërsa në vitin e fundit të jetës së tij ka thënë : “Nëse jetoj edhe vitin që vjen, do të agjëroj ditën e nëntë dhe të dhjetë të ashures.”(Muslimi ; Ebu Davudi).

Ndërsa Ebu Katade transmeton se sahabët e kanë pyetur Pejgamberin (salallahu aleihi we selem) për agjërimin e ditës së Ashures dhe ai u ka thënë : “Agjërimi ditës së Ashures i shlyen gjynahet e vitit të kaluar.” (Muslim, Sijam, 196).

Shkaku i agjërimit të ditës së ashures

Është falënderim për Zotin e Madhëruar që e shpëtoi Musain (alejhi selam) dhe popullin e tij nga faraoni dhe ithtarët e tij, e kjo ka ndodhur në ditën e dhjetë të muajit Muharrem.

Dobitë e agjërimit të kësaj dite

  • Agjërimi i ditës së ashures është synet dhe i preferuar, me që është praktikuar, gjithashtu, nga Pejgamberi (paqja dhe shpëtimi i Zotit qoftë mbi të!).
  • Këtë ditë e kanë agjëruar  edhe shokët e Pejgamberit (paqja dhe shpëtimi i Zotit qoftë mbi të!) si dhe Musai (alejhi selam) para tyre, ne shenjë falënderimi, ndaj madhërisë së Zotit.
  • Edhe  historikisht kjo ditë ka vlerë  madhështore.
  • Preferohet agjërimi i  një dite para ose pas saj; d.m.th.: (9-10 ose 10-11 muharrem) për t’u dalluar nga hebrenjtë, sepse këtë  e ka urdhëruar Pejgamberi (paqja dhe shpëtimi i Zotit qoftë mbi të!).
  • Kjo është çka u përmend në sunet, sa i përket kësaj dite, e çdo gjë tjetër që bëhet në të, është risi (bidat) dhe në kundërshtim me udhëzimin e Muhamedit (paqja dhe shpëtimi i Zotit qoftë mbi të!).

Kjo është prej mirësisë së Allahut të lartësuar ndaj nesh, sepse na e mundësoi që nëpërmjet agjërimit të një dite, të na falen mëkatet e një viti të plotë; e Allahu është pronar i mirësisë së madhe. Kështu që shpejto, dhe shfrytëzoje këtë mirësi! Filloje vitin tënd të ri me adhurim  dhe punë të mbara, sepse punët e mira i shlyejnë ato të ligat (të këqijat).

 

Print Friendly, PDF & Email
Ktheu në krye të faqesKtheu në krye të faqes

Festat e ardhëshme

Kalendari

< 2020 >
April
MaTiOnToFr
  12345
  • Hele dagen
    05.04.2020

    Nuk ka detaje shtesë për këtë ngjarje.

6
  • Hele dagen
    06.04.2020-14.04.2020

    Nuk ka detaje shtesë për këtë ngjarje.

789
  • Hele dagen
    09.04.2020

    Nuk ka detaje shtesë për këtë ngjarje.

10
  • Hele dagen
    10.04.2020

    Nuk ka detaje shtesë për këtë ngjarje.

11
  • Hele dagen
    11.04.2020

    Nuk ka detaje shtesë për këtë ngjarje.

12
  • Hele dagen
    12.04.2020

    Nuk ka detaje shtesë për këtë ngjarje.

13
  • Hele dagen
    13.04.2020

    Nuk ka detaje shtesë për këtë ngjarje.

141516171819
20212223
  • Hele dagen
    23.04.2020

    Nuk ka detaje shtesë për këtë ngjarje.

242526
27282930   

Festat e ardhshme

< 2020 >
April
  • 05

    Hele dagen
    05.04.2020

    Nuk ka detaje shtesë për këtë ngjarje.

  • 06

    Hele dagen
    06.04.2020-14.04.2020

    Nuk ka detaje shtesë për këtë ngjarje.

  • 07

    19:03
    07.04.2020-08.04.2020Europe/Oslo

    Nuk ka detaje shtesë për këtë ngjarje.

  • 09

    Hele dagen
    09.04.2020

    Nuk ka detaje shtesë për këtë ngjarje.

  • 10

    Hele dagen
    10.04.2020

    Nuk ka detaje shtesë për këtë ngjarje.