Category Archives: Lajme

QIKSHN ju uron festën e Fitër Bajramit!

Anëtarë të nderuar, besimtarë të dashur ju përcjellim bekimet e All-llahut Fuqiplotë deri tek ju me shpres që ky muaj i madhërishëm të ketë lënë gjurmë të pashlyera në shpirtin tonë!

Përcollëm muajin më të veçantë, muajin e Kur’anit fisnik, muajin e edukimit dhe humanizmit, muajin e shenjtë të Ramazanit në të cilin ne të gjithë e shprehëm dashurinë dhe besimin tonë të sinqertë e të paskajshëm ndaj Krijuesit të të gjitha botërave, Allahut Fuqiplotë. Muaj i cili karakterizohet me plot adhurim, urtësi, porosi, kulturë, moral, vetëdijsim, ringjallje shpirtërore e trupore, me korniza të definuara pozitivisht dhe me koncept shumëngjyrësh e shumëdimensional. Ramazani si muaj që simbolizon sakrificën dhe gadishmërinë e besimtarit të denjë islam për të hequr dorë në emër të Allahut nga të mirat e kësaj bote, shpresoj të ketë forcuar edhe më shumë bindjen tonë e të ketë fisnikëruar shpirtin e çdo muslimani. 

Gjatë muajit të Ramazanit, përmes Kur’anit, namazit, agjërimit dhe durimit , përmes mirësisë dhe humanitetit, kuptuam filozofinë e këtij muaji të shenjtë, i cili shërbeu si udhërrëfyes në drejtim të mënjanimit të të gjitha dukurive devijuese dhe destruktive shoqërore. Ngase feja Islame preferon dashurinë përballë urrejtjes, moralin përballë jomoralit, tolerancën përballë tensionimeve , respektin përballë dhunës, kujdesin përballë neglizhencës, solidaritetin përballë egoizmit. 

Të dashur vëllezër dhe motra besimtarë!

Me rastin e kësaj feste botërore Islame bëjëm thirrje tek çdo besimtar musliman që të praktikon me përkushtim porosinë e Pejgamberit tonë a.s kur thoshte: “Kush e gjallëron Natën e Bajramit, përmes leximit të Kur’anit, faljes së namazit, të përkujtuarit madhërinë e Zotit në forma të ndryshme , zemra dhe shpirti i tyre do të mbetet i gjallë në Ditën kur të gjitha zemrat do të pushojnë nga gjallëria”.

Sot të gjithë Ne duhet të tregojmë nivelin e kulturës fetare dhe karakterin e personalitetit tonë duke ia shtri dorën gjithsecilit dhe duke ia hapur derën gjithkujt.  Sot duhet të kërkoni falje nga dikush që ndoshta pa dashje e keni lënduar, dikë me të cilin ndoshta nuk jeni përshëndetur gjatë kohë. Sot dhe vazhdimisht, duhet të përputhemi ideologjikisht dhe shpirtërisht, le të mos ketë individ e as grupe që bëjnë çrregullime dhe huti në shoqëri. Të jemi mikëpritës të mëdhej, fytyrat tona le të buzëqeshin pandërprerë, të ripërtërihen lidhjet shoqërore e njerëzore me dashuri, sinqeritet e vëllazërim. Ne, sot dhe gjithmonë do të jemi afër të varfërve, afër të sëmurëve, skamnorëve dhe jetimëve dhe afër gjithë atyre që kanë nevojë për dorën tonë të shtrirë.   

Besimtar të nderuar!

Duke ju dëshiruar gëzime dhe lumturi në këto ditë festive të Bajramit, i ftojmë të gjithë besimtarët islam, si dhe të gjithë njerëzit tjerë me vullnet të mirë që të kultivojnë vlera njerëzore dhe civilizuese, të shprehin dashuri ndaj familjes, miqëve dhe fqinjëve, të respektojnë konceptin universal për lirinë dhe të drejtat e njeriut e të nderojnë ndryshimet me të cilat na ka karakterizuar Allahu.

Anëtarë të nderuar të QIKSHN-së dhe musliman të nderuar në trojet tona shqiptare dhe në gjithë diasporën tonë të respektuar qofshit të gëzuar përgjithmon, ALLAHU ju bekoft dhe

ME FAT FITËR BAJRAMI !

Me përshëndetje të sinqerta

Kryesia e QIKSHN-së

Print Friendly, PDF & Email

Festa e Fitër Bajramit!

Të nderuar anëtarë,

Qendra Islamike Kulturore Shqiptare në Norvegji ju informon se dita e parë e Fitër Bajramit do të jetë dita e Diel më 24. Maj 2020.

Me keqardhje ju informojne se falja e namazit të Fitër Bajramit ditën e Diel më datë 24. Maj 2020 nuk do të realizohet kësaj radhe për arsye të rezikut të shpërndarjes së Korona-virusit.

Ky është një vendim nga qeveria e Norvegjisë dhe ne si kryesi jemi të obliguar që tju përmbahemi masave të parapara nga Instituti i Shëndetit Publik (FHI).

Kryesia e QIKSHN’së shpreh keqardhje për këtë vendim, por është me rendesi që të respektohen vendimet e qeverisë së shtetit dhe masave të parapara nga Instituti i Shëndetit Publik (FHI).

Lusim Allahun xh.sh. që të na e pranoj agjërimin, lutjet dhe ibadetet tona dhe që të na shpërblej me të mirat e Tij!

Urime festën e Fitër Bajramit!

 

Me respekt

Kryesia e QIKSHN’së

Print Friendly, PDF & Email

Urime nata e madhe e Kadrit!

Të nderuar anëtarë,

Kryesia e QIKSHN, ju uron natën e madhe të Kadrit e cila parashihet të jetë sonte e Martë më 19.05.2020.

Rreth natës së Kadrit

Kurani si dhe tradita profetike, e theksojnë rëndësinë dhe vlerat e mëdha të natës së Kadrit. Madje, Kurani përmban dhe një sure e cila mban këtë emër dhe flet pikërisht për këtë natë.

“Ne e kemi zbritur (Kuranin) në Natën e Kadrit. E kush mund të ta shpjegojë ty se ç’është nata e Kadrit? Nata e Kadrit është më e mirë se njëmijë muaj. Engjëjt dhe Shpirti (Xhebraili), me lejen e Zotit të tyre, zbresin në këtë natë, me të gjitha vendimet. Paqe është ajo deri në lindjen e agimit.” (Kadr, 1-5)

Kurani i lartësuar e ka graduara këtë natë, saqë edhe emrin ia ka vënë pikërisht “Nata e Vlerës dhe shkallës së lartë – Kadr”. E çfarë vlere dhe grade më të lartë mund të ketë një natë, sesa të konsiderohet si nata më e mirë se njëmijë muaj të tjerë që nuk kanë natë Kadri?

Njëmijë muaj, janë të barabartë me 83 vite e katër muaj. Kjo natë është më e mirë se një jetë e gjatë e jetuar nga njeriu, një jetë e afërt me një shekull.

Në këtë natë, zbresin melekët e rahmetit, mirësisë dhe bereqetit, në këtë natë valëvitet paqja deri në agim. Në traditën profetike, gjejmë shumë hadithe lidhur me vlerat e natës së Kadrit dhe kërkimin e kësaj nate në dhjetë ditët e fundit të Ramazanit. Ebu Hurejre transmeton se Profeti a.s ka thënë:”Kush falet natën e Kadrit me besim dhe shpresë, i falen gjynahet që ka vepruar më parë.” (Buhari)

Profeti Muhamed a.s na paralajmëron dhe na këshillon që kjo natë mos na gjejë indiferentë dhe gafila, por duke u falur dhe lutur. Privimi nga adhurimi i kësaj nate, është privim nga shumë të mira dhe shpërblim hyjnor. Ai u thoshte shokëve të tij:”U ka ardhur ky muaj, në të cilin gjendet nata që është më e mirë se njëmijë muaj. Kush privohet prej kësaj nate, është privuar nga çdo e mirë dhe nuk privohet nga mirësitë e saj, veçse një i mjerë.” (Ibnu Maxheh)

E si të mos jetë i mjerë, ai që humbet shansin që është më e mirë se tridhjetë mijë shanse?

Ai që humbet një marrëveshje nga e cila do të dilte 100 % i fituar, sigurisht që do të mallkonte veten. Ç’mund të themi për dikë që humbet një shans nga i cili do të dilte tre milion % i fituar?

Në cilën natë?

Nata e Kadrit është gjatë muajit të Ramazanit, sepse është nata kur filloi shpallja e Kuranit dhe ky proces nisi në muajin e Ramazanit. Thotë Zoti në Kuran:”Muaji i Ramazanit është ai, në të cilin ka zbritur Kurani, që është udhërrëfyes për njerëzit, plot me shenja të qarta për rrugën e drejtë dhe dallues (i së mirës nga e keqja).” (Bekare, 185)

Nga një sërë hadithesh, kuptohet qartë që nata e Kadrit është në dhjetë ditshin e fundit të Ramazanit. Vetë Aishja tregon:”I dërguari i Zotit a.s mbyllej në itikaf dhjetë ditët e fundit dhe na thoshte:”Kërkojeni natën e Kadrit në dhjetë ditët e fundit të Ramazanit!” (Buhari dhe Muslim)

Tregon Ebu Seid, se profeti Muhamed a.s doli në mëngjesin e ditës së njëzet të Ramazanit dhe u tha njerëzve:”Unë e dija natën e Kadrit, por e harrova, prandaj kërkojeni në dhjetë ditshin e fundit, ditët teke!” (Buhari dhe Muslim)

Meqë fillimi i ditës së Ramazanit ndryshon nga një vend në një tjetër, siç vihet re, netët teke në disa vende, janë çift në vende të tjera, prandaj dhe lipset që nata e Kadrit të kërkohet në të gjitha netët e dhjetë ditëve të fundit.

Nata e Kadrit, ka mundësi më të mëdha që të jetë në shtatë ditshin e fundit të Ramazanit. Transmetohet nga Ibnu Umer, se disa burra nga shokët e Profetit a.s, i thanë se e kishin parë natën e Kadrit në ëndërr, në shtatë ditshin e fundit. Profeti a.s u përgjigj:”Shoh që ëndrra juaj përkon me shtatë ditshin e fundit. Prandaj, kushdo që e kërkon këtë natë, le ta kërkojë shtatë ditshin e fundit.” (Buhari dhe Muslim)

Po nga Ibnu Umer, transmetohet të ketë thënë:”Kërkojeni dhjetë ditshin e fundit. Nëse dikush prej jush ligështohet dhe e ka të pamundur, le ta kërkojë në shtatë ditshin e fundit.” (Ahmed dhe Muslim)

Shtatë ditët e fundit të Ramazanit, fillojnë nga nata e 23 nëse muaji është 29 ditë, ose nga nata e 24 nëse muaji është 30 ditë.

Ubej ibnu Kab dhe Ibnu Abasi mendonin se nata e Kadrit ishte natën e 27 të Ramazanit. Madje, Ubej ibnu Kab betohej se nata e Kadrit është natën e 27 të Ramazanit, për disa shenja që i kishte vënë re, gjë e cila mandej u përhap tek masat e gjera të myslimanëve, saqë tani kjo natë festohet dhe njihet si nata e Kadrit.

Në fakt, ajo që dihet është se nuk ka asgjë të sigurt lidhur me këtë pretendim. Mendimet lidhur me natën e Kadrit, i ka numëruar Ibnu Haxheri, i cili thotë se janë 46 mendime të ndryshme.

Por, mendimi më i qëlluar mbetet ai që thotë se kjo natë është në një nga netët teke të dhjetë ditshit të fundit të Ramazanit dhe se nata e Kadrit ndryshon nga një vit në tjetrin, gjë e cila kuptohet nga tërësia e haditheve të lartpërmendura.

Sipas dijetarëve medh-hebit Shafi, nata e Kadrit mund të jetë nata e 21 e Ramazanit, kurse tek dijetarët e tjera mund të jetë nata e 27.

Urtësia e fshehtësisë së saj

Ka shumë urtësi në fshehtësinë e kësaj nate. Nëse të gjithë do e dinim me përpikmëri natën e Kadrit, vendosmëria dhe vullneti gjatë Ramazanit do të pësonte rënie. Njerëzit, thjesht do i kushtonin rëndësi dhe vëmendje pikërisht kësaj nate, të cilën do e kalonin në adhurim dhe punë të mirë dhe kaq. Prandaj, fshehja e saj shihet si një motivim për më shumë punë gjatë gjithë muajit dhe një dyfishim i punëve të mirë sidomos gjatë dhjetë ditëve të fundit të Ramazanit. Sigurisht, nga kjo ka vetëm mirësi për individin dhe umetin mysliman.

E njëjtë me fshehtësinë e natës së Kadrit, është dhe ora e pranimit të lutjes ditën e Xhuma, ashtu siç është dhe fshehtësia e emrit më të madh të Zotit, me të cilin nëse dikush e lut Zotin, i përgjigjet dhe ia pranon lutjen. Këto të treja, janë ruajtur të fshehta me qëllim që ne ta lusim dhe adhurojmë Zotin sa më shumë.

Transmeton imam Buhariu nga Ubade ibnu Samit, se profeti Muhamed a.s doli tu tregojë myslimanëve natën e Kadrit. Me të dalë, ai u ndesh me dy burra myslimanë të cilët po grindeshin me njëri-tjetrin. Profeti a.s, tha:”Dola tu tregoj kur është nata e Kadrit, por për shkak se filani dhe filani po grindeshin, e harrova. Ndoshta është më e hajrit për ju.”

Shenjat e natës së Kadrit

Kjo natë kaq e madhe, ka shenjat e saj, të cilat nuk vihen re, vetëm pasi të ketë lindur dita e re. Ndër këto shenja është se dielli i ditës që pason natën e Kadrit, lind pa reze, ose është i kuq dhe ndriçim të zbehtë.

Një shenjë tjetër që thuhet, është dhe shiu i lehtë që mund të bjerë natën e Kadrit, era dhe se ajo natë, është e hapur, as e nxehtë dhe as e ftohtë.

Të gjitha këto shenja, nuk janë të prera dhe nuk arrijnë në gradën e sigurisë së plotë. Ato mund të gjenden ose jo, sipas vendit dhe stinës. Ka vende myslimane ku shiu bie pa pushim, të tjera ku ka vite që nuk bie shi, të tjera që vuajnë nga të ftohtit dhe të tjera që vuajnë nga i nxehti.

Natë për të gjithë apo e specifikuar?

Një çështje tjetër e diskutuar dhe e studiuar nga dijetarët, është nëse nata e Kadrit është specifike për disa njerë, të cilëve u shfaqet në ëndërr dhe me disa shenja, gjë e cila nuk u ndodh njerëzve të tjerë, apo është e përgjithshme, për të gjithë myslimanët dhe sevapi i saj u jepet të gjithë atyre që e kalojnë këtë natë në adhurim?

Një grup dijetarësh kanë mendimin e parë, se kjo natë është vetëm për disa njerëz. Mendimin e tyre ata e bazojnë në hadithin e transmetuar nga Ebu Hurejres:”Kushdo që e kalon natën e Kadrit me adhurim…”

Ata e argumentojnë edhe me hadithin e Aishes, e cila e pyeti Profetin a.s:”O i dërguar i Zotit, çfarë të them nëse e arrij natën e Kadrit?” Profeti a.s i tha:”Thuaj:”O Zot! Ti je falës, e do faljen prandaj më fal mua!” (Ibnu Maxheh dhe Tirmidhij)

Përkimin e adhurimit me natën e Kadrit, këta dijetarë e interpretuan si dijen për këtë natë, gjë e cila është kusht për fitimin e sevapit specifik të kësaj nate.

Dijetarët e tjera, mendojnë se përkimi i adhurimit me natën e Kadrit, do të thotë që të ndodhin në të njëjtën kohë, edhe pse besimtari mund të mos e dijë. Për adhurimin e natës së Kadrit, nuk kushtëzohet shikimi apo dëgjimi i diçkaje të veçantë.

Kushtëzimi i disa dijetarëve i sevapit të kësaj nate me dijen për të, i ka shtyrë disa myslimanë të besojnë se nata e Kadrit është një sasi energjie drite, e cila u shfaqet disa personave të lumtur dhe jo të gjithëve. Prandaj dhe njerëzit e thjeshtë shpesh herë i dëgjon të thonë:”I është shfaqur nata e Kadrit”. Të gjitha këto janë gjëra që nuk bazohen në fakte dhe argumente fetare.

Prandaj, themi që nata e Kadrit është një natë e veçantë për të gjithë ata që e kërkojnë atë dhe synojnë të përfitojnë nga mirësitë e saj. Ajo është natë adhurimi, bindjeje ndaj Zotit, namazi, leximi, përkujtimi, lutjesh, sadakeje, punësh të mira etj…

Print Friendly, PDF & Email

Rihapet xhamija me kushte të kufizuara!

Të nderuar anëtarë të QIKSHN’së,

Kryesia e QIKSHN’së ka marrur vendim që xhamija të rihapet për 5 kohët e namazit nga dita e Hënë më datë 11.05.2020, por me kushte te kufizuara.

  • Xhamija do të hapet 10 min. para thirrjes se ezanit të çdo namazi dhe dyert do të mbyllen menjëher pas thirrjes së ezanit.
  • Numri i xhematit është i kufizuar në 50 persona + imami gjatë gjithë namazeve në përjashtim të namazit të teravise dhe namazit te xhumasë.
  • Në raste se vijnë më shumë se 50 persona, atëher personat e fundit që vijnë në xhami ku numri total tejkalohet 50 persona (aqë edhe sa është e lejuar nga Insituti për Shëndetit Publik (FHI), atyre personave nuk do ju lejohet hyrrja ne xhami dhe kjo duhet patjetër të respektohet nga xhemati.
  • Është me rëndesi që në xhami të mos vini më herët se 10 minuta para kohës së faljes së namazeve.
  • Çdo person është obliguar që të bëjë pastrimin (merë abdes) në banesën/shtëpin e tij pasi që marrja e abdesin në xhami nuk do të lejohet (vendi për abdes do të jetë i mbyllur).
  • Çdo person është i obligueshëm që të merë tepih (sexhade) me vete. Ata që nuk kan mundesi të bëjnë një gjë të till, do ju ndahet nga një cop plastike ose letër në xhami që të mund ta përdorin në vendin e faljes mbi tepihun e xhamise.
  • Hyrrja në xhami duhet të bëhet një nga një dhe prej një distance minimale prej 1 meter.
  • Çdo person është i obliguar që të dezinfektoj duart tek dera e hyrrjes së xhamisë.
  • Çdo person është i obliguar që të shënoj emrin dhe numrin e mobilit në listen për regjistrimin e personave që do jenë present në xhami (vlen për çdo kohë të namazit).
  • Falja e namazeve (renditja e rreshtave/safave) bëhet prej një distance minimale prej 1 meter dhe personi prej personit duhet poashtu që mbaj një ditanc minimale prej 1 meter. Përmbahuni instruksit të pregatitur nga imami QIKSHN’së.
  • Gjatë kohës së namazit nuk lejohet që të bëni ndrimin e rreshtave/safave, por duhet të qëndroni në të njëjtin vend gjatë gjithë kohës deri në përfundim të namazit.
  • Qendrimi në xhami pas përfundimit të çdo namazi është rrepsishtë e ndaluar dhe xhemati duhet të lëshojnë xhaminë menjëher pas përfundimit të çdo namazi.
  • Dalja nga xhamija pas përrfundimit të çdo namazi duhet të bëhet një nga një prej një distance minimale prej 1 meter.
  • Qëndrimi përpara derës së hyrrjes së xhamisë është rrepsishte e ndaluar sidomos në kohën e namazitë të teravisë.
  • Namazi i xhumasë do të falet në grupe nga 50 persona + imami + sigurimi.
  • Në qoftë se ka më shumë xhemat se 50 persona në namazet e xhumasë, personat do të ndahen në dy grupe nga 50 persona. Kjo do të thotë se më shumë se maksimun 100 (dy grupe nga 50 persona) për namazin e xhumasë nuk mund të marrin pjesë.
  • Grupi i parë do të filloj faljen e namazit të xhumasë në ora 13:30 dhe duhet të lëshojnë xhaminë në ora 13:50.
  • Grupi i parë ditën e Premte për në namaz të xhumasë duhet të përdorin hyrrjen kryesore (nga pjesa e burrave).
  • Grupi i dytë do të filloj faljen e namazit të xhumasë në ora 14:00 dhe duhet të lëshojnë xhamisë në ora 14:20.
  • Grupi i dytë ditën e Premte për në namaz të xhumasë duhet të përdorin hyrrjen mbasë (nga pjesa e grave).
  • Personat e moshuar që vuajnë nga ndonjë sëmundje kronike apo janë në grupin e rezikuar nga virusi Korona dhe personat ndër moshën 14 vjeçare ju rekomandojme që të qëndrojnë në shtëpi për kohën e namazit të teravive dhe namazit të xumasë.
  • Për arsye sigurie, motrave muslimane nuk lejohet pjesëmarrja në xhami në faljet e namazit të teravive dhe të namazit të xhumasë.
  • Personat që janë në karanten apo që kan simptome të virusit Korona ju ndalohet rrepsishte hyrrja në xhami.
  • Përmbahuni rekomandimeve të Insitutit të Shëndetit Publik (FHI): https://www.fhi.no/sv/smittsomme-sykdommer/corona

Vëretje!

Çdo person që dëshiron të mere pjesë në faljen e namazeve, janë të obliguar që tju përmbahen këtyre rregullave gjatë kësaj kohe të epidemisë.

Print Friendly, PDF & Email

Dita e Betejës së Bedrit!

Të nderuar anëtarë,

Kryesia e QIKSHN, ju uron ditën e betejës së Bedrit e cila parashihet të jetë nesër e Diel më 10.05.2020.

Lufta e Bedrit ishte në vitin e dytë pas hixhretit, shkaku i saj ishte se Pejgamberi -paqja dhe nderimet e Allahut qofshin mbi të- u njoftua për një karvan të kurejshëve që e udhëhiqte Ebu Sufjani u kthente nga Siria për në Meke, përgatiti shokët e tij shpejt që t’i dalin përpara dhe ta merrnin sepse kurejshët lejuan nxjerrjen e Pejgamberit -paqja dhe nderimet e Allahut qofshin mbi të- dhe shokëve të tij nga shtëpitë e pasuritë e tyre, e nuk kishin mes tyre dhe Pejgamberit -paqja dhe nderimet e Allahut qofshin mbi të- marrëveshje e as armpushim-. Pejgamberi -paqja dhe nderimet e Allahut qofshin mbi të- doli për të kapur karvanin e tyre, dhe kishte me vete pak veta treqin e ca burra, sepse nuk donin që të luftonin, porse donin vetëm të merrnin karvanin dhe kishin me vete shtatëdhjet deve pas tyre dhe vetëm dy kuaj.

Kurse Ebu Sufjani që udhëhiqte karvanin pasi mori vsh lajmin dërgoi për të kërkuar ndihmë në Meke dhe t’i nxiste ato që të mbronin karvanin e tyre nga Pejgamberi -paqja dhe nderimet e Allahut qofshin mbi të-. Banorët e Mekës dolën me gjith çfare kishin e me mendjemadhësinë e tyre, dolën ashtu siç i përshkruajti Allahu në fjalën e Tij:

“… ata që dolën prej shtëpive të tyre sa për krenari e për t’i parë bota, e që pengonin nga rruga e All-llahut. All-llahut nuk mund t’i shpëtojnë me atë veprim të tyre.” (Enfal: 47.)

Gjatë rrugës i erdhi lajmi atyre që Ebu Sufjani shpëtoi bashk me karvanin e tij nga Pejgamberi -paqja dhe nderimet e Allahut qofshin mbi të-, dhe filluan të shkëmbenin mendimet me njëri-tjetrin a me vazhdu apo mos me vazhdu, tha Ebu Xhehli –ishte prijësi i tyre- pasha Zotin nuk kthehemi derisa të arrijmë në Bedër e të qëndrojmë në të tre ditë, të therim aty deve e të pijmë alkol, e të kërcejnë valltaret, e të dëgjojnë arabët për ne, kështu që do na kenë frikë përgjithmonë.

Këto fjalë tregojnë për mendjemadhësi e arrogancë, e vendosshmëri në të kotë që të mposhti të vërtetën.

U konfrontun me Pejgamberin -paqja dhe nderimet e Allahut qofshin mbi të- me gjith fuqinë e mendjemadhësinë që kishin, e numri i tyre arrinte nga nëntëqind deri në një mijë, kurse Pejgamberi -paqja dhe nderimet e Allahut qofshin mbi të- ishte me treqind e ca burra.

U konfrontuan dy ushtritë, ushtria e Allahut të Lartësuar dhe ushtria e shejhtanit, e përfundimi ishte fitorja e ushtrisë së Allahut. U vranë nga Kureshët shtatëdhjet veta nga prijësit, pasanikët, e njerëzit me pozitë, e u zunë rob shtatëdhjet prej tyre, dhe qëndroi Pejgamberi -paqja dhe nderimet e Allahut qofshin mbi të- tre dit ne fushë-betejë siç e kishte zakon, pasi fitonte e triufonte, e në ditën e tretë i hypi devesë derisa qëndroi në pusin e Bedrit ku ishin hedhur në të njëzet e katër nga prijësat e Kurejshëve, qëndroi pranë pusit duke i thirrur me emraat e tyre e emrat e baballarëve të tyre duke thënë: “O filan i biri filanit a e gjete të vërtetë atë që ju premtoj Zoti juaj, sepse unë e gjeta të vërtetën që më premtoi Zoti im” i thanë: O i Dërguari i Allahut, si u flet njerëzve që janë të tharë (vdekur)?! Tha: “Ju nuk i dëgjoni fjalët e mia më mirë se ata, porse ata nuk kanë mundësi të përgjigjen”.[2]

Pejgamberi -paqja dhe nderimet e Allahut qofshin mbi të- më pas u kthye në Medine, e për këtë falenderimi i takon vetëm Allahut.

Print Friendly, PDF & Email
Ktheu në krye të faqesKtheu në krye të faqes

Festat e ardhëshme

Kalendari

< 2020 >
Mai
MaTiOnToFr
    1
  • Hele dagen
    01.05.2020

    Nuk ka detaje shtesë për këtë ngjarje.

23
45678
  • Hele dagen
    08.05.2020

    Nuk ka detaje shtesë për këtë ngjarje.

910
11121314151617
  • Hele dagen
    17.05.2020

    Nuk ka detaje shtesë për këtë ngjarje.

18192021
  • Hele dagen
    21.05.2020

    Nuk ka detaje shtesë për këtë ngjarje.

22
  • Hele dagen
    22.05.2020

    Nuk ka detaje shtesë për këtë ngjarje.

2324
252627282930
  • Hele dagen
    30.05.2020

    Nuk ka detaje shtesë për këtë ngjarje.

31
  • Hele dagen
    31.05.2020

    Nuk ka detaje shtesë për këtë ngjarje.

Festat e ardhshme

< 2020 >
Mai
  • 01

    Hele dagen
    01.05.2020

    Nuk ka detaje shtesë për këtë ngjarje.

  • 08

    Hele dagen
    08.05.2020

    Nuk ka detaje shtesë për këtë ngjarje.

  • 10

    Hele dagen
    10.05.2020

    Nuk ka detaje shtesë për këtë ngjarje.

  • 17

    Hele dagen
    17.05.2020

    Nuk ka detaje shtesë për këtë ngjarje.

  • 19

    19:12
    19.05.2020-20.05.2020Europe/Oslo

    Nuk ka detaje shtesë për këtë ngjarje.