Filloi viti shkollor 2014/15 pran QIKSHN-së!

Filloi viti shkollor 2014/15 edhe për nxënësit e mësimit plotësues në gjuhë amëtare dhe atë mësim-besimit!

Dje në lokalet e QIKSHN-së në Oslo, tashmë të njohura për shumicën e shqiptartëve në Norvegji, filloi mësimi fakultativ për të dy shkollat edhe ate, Shkolla Shqipe “Naim Frashëri” dhe Mësim-Besimit Islam “Urtësia”.

Mësimi filloi si rëndomtë dhe ashtu siç ishte paralajmëruar nga ne në ora 10:00. Këshilli prindorë ishte prezentë dhe sëbashku me shumë prindër që kishin ardhur për t`i sjellur fëmijët e tyre në Shkollë, na ndihmuan që cdo send të bie në vendin e vet.

Metush Bajrami bëri regjistrimin e cdo nxënësi duke marr të dhënat nga prindërit e tyre, dhe me një buzëqeshme mirseardhjeje nxënësit u pritën nga mësuesit e tyre që do të ju japin dituri, dhe njohje të gjuhës tonë amtare dhe edukatë fetare nga hoxhallarë eminent në këtë qendër.

Mësuesit e gjuhës shqipe për këtë vitë janë: mr. Ramiz Kuqi i cili do të punojë me nxënës të ciklit të lartë dhe Imri Trena me nxënës të ciklit të ulët dhe me fillestar.

Kurse në shkollën e mësim besimit do të jenë: dr. Musli Verbani, kuran dhe hatme kuranore; Fatmir Shabani do ti mesoj ne shkrim dhe lexim-elif nxënës të grupmoshave te ndryshme dhe Fati Abdi me nxënës fillestar ne ekukat fetare dhe poashtu elif per fillestarët.

Pjesmarrja e nxënësve ishte ne 42 nxënës të cilët dhe u regjistruan ne librin e amzit të kësaj qendre. Priten edhe shum nxënës të tjerë të vijnë nga e diela e ardhshme dhe poashtu këshilli i mësimdhënësve bën apel deri tek të gjithë prindërit që t`i sjellin fëmijët e tyre në mësim plotësues dhe mjaft me rëndësi për një krijim të një imazhi më të mirë kombëtar dhe njerëzor!

Me respekt
Këshilli prindorë pranë dy shkollave.

Print Friendly, PDF & Email