Posta vjetore dhe kalendari për vitin 2026

Të nderuar anëtarë,

Qendra Islamike Kulturore Shqiptare në Norvegji (QIKSHN) ju njofton se posta vjetore është në përgatitje e sipër dhe do të dërgohet deri në fund të muajit Dhjetor 2025 ose në fillim të muajit Janar 2026.

Posta vjetore do të përmbajë:

Kalendarin me kohët e faljes për vitin 2026
Faturën e pagesës së Fondit të kufomës për vitin 2026
Informata për fillimin e muajit të Ramazanit 2026
Informata mbi pagesën e Fitrave dhe Zeqatit 2026
Fletushkën informuese për Fondin e kufomës
Një faturë shtesë vullnetare për ndihmë financiare në shlyerjen e borxhit të xhamisë

Pagesa e Fondit të kufomës

Ju lutemi që pagesa e faturës së Fondit të kufomës (që do të vijë bashkë me kalendarin) të kryhet brenda afatit të përcaktuar. Nëse pagesa nuk kryhet me kohë, humbet e drejta e përfitimit nga ky fond.

Fatura shtesë për ndihmë financiare

Kjo faturë është plotësisht vullnetare. Kontributi juaj qoftë edhe një shumë simbolike si kr. 100, 200 ose 300 është një ndihmë e madhe për qendrën.
Ata që dëshirojnë të kontribuojnë më shumë se kr. 1000, mund të dërgojnë shumën që dëshirojnë (p.sh., kr. 2000, 3000) në xhirollogarinë që do të jetë e shënuar në faturë.

Kontrolloni anëtarësinë

Ju lutemi verifikoni numrin e anëtarëve të përfshirë në faturën e Fondit të kufomës. Nëse ka shtesa anëtarësh të rinj, ose ndryshime në adresë, ju lutemi na kontaktoni sa më shpejt për përditësim.